اعتقال تحت نصب الديمقراطية

العراق ... بعد ان كان من يسمع هذا الاسم يتبادل الى ذهنه الى الحضارة والعظمة حيث بدأت الكتابة من حضارة وادي الرافدين.

لكن!

الان نسمع بالعراق يتبادل الى الذهن الحروب والارهاب والقتل والدماء.

التوقعات اصبحت حقيقة

 قبل ما يقارب السنتين كتبت حول المفصائل المسلحة وكيف سوف تكون ان لم تكن تحت غطاء الدولة والقانون وماذا سيحدث ان لم يتم سحب الاسلحة منها بشكل تام، وكانت التوقعات سوف يستخدمون تضحيات المقاتلين سلم لكي يصلون الى دكة الحكم والكثير من الزملاء كان قد يخالفني الرأي حول الموضوع حتى كان البعض يصفني اني بعيد عن المشهد العراقي. 

بين الصدك والجذب اربع اصابع

جان هواية يصير حديث حول مدينة النجف ، جنت اسولف وية اصدقائي من غير مدن من العراق وحتى خارج العراق اكوللهم النجف امان بيها النجف بيها اشياء حلوة ، جان اول رد احصله منو يكول ويها علامة تعجب مع عكف الحاجبين O.o والرد الثاني احصله انتم بس مقبرة عدكم ، لو بس دهينه ( تعريف الدهينة او الدهين : هي نوع من انوع الحلويات المشهورة في العراق وصناعتها في مدينة النجف ) لو يكلولي عدكم طرشي ( تعريف الطرشي : هو نوع من انواع المخللات واكثر انواع الطرشي المعروف بالنجف هو المدبس) لو جان يردون عليه وهاي اذا يريد يجامل يكول انتم عدكم بس مرقد الامام علي /ع . 

بس مرة من المرات الشبكة العراقية للاعلام المجتمعي انسم سووا زيارة للنجف تحت عبارة / المدونون يصنعون محتوى مدنهم بنفسهم / وبالفعل تمت الزيارة وجانت حسب الفعاليات :
اولا : زيارة بيت الامام علي عليه السلام 

ثانيا : زيارة مسجد الكوفة ومسلم بن عقيل 

ثالثا : تجول في شوارع النجف والكوفة وحتى ساعات متأخرة من الليل

رابعا : زيارة مرقد الامام علي عليه السلام والتعرف على ماذا توصل اليه من توسيع المكان

خامسا : زيارة مشفى المخطوطات القديمة في العتبة العلوية 

سادسا : الذهاب الى مكتبة العتبة التي تحتوي على اكثر من 110 الف عنوان كتاب 

سابعا : العشاء والجلوس مع محافظ النجف بعد منتصف الليل وفي مكان شعبي 

ثامنا : نقل بعض العروض من بغداد الى النجف من خلال افلام سينمائية قصيرة لمخرجين شباب وهم ( الباقر جعفر ، وارث كويش ، ليث دعير ، احمد الزيادي ) 

طبعا اكيد بالزيارة الشباب جربوا الهريسة والآش ( تعريف الكلمتين : اكلات شعبية في النجف ) 

والحلو بالموضوع كل الشباب بعد رجوعهم الى مدنهم بسلام كتبوا اشياء جميلة عن النجف وعن ما شافوه 

 شرح عن توسيع العتبة العلوية 

منيو الانتخابات

كل ما اصعد سيارة تكسي او كيا ويمشي بالشارع واشوف الاعلانات الانتخابية وصور المرشحين واشوف نفس الاشخاص يرشحون للانتخابات بكل دورة انتخابية ، مجلس محافظة او انتخابات برلمانية

 بهاي اللحظة اتذكر لما اروح لاحد المطاعم واطلب المنيو واضل اتصفحه واكول بلكي اكو اكلة جديدة مفيدة للصحة بس تاليها الكة نفس الاكل اليحتوي على دهون ويكون مضر بالصحة وكالعادة اطلب جاي او عصير اشربه واطلع وبعدها اقرر اسوي رجيم وما ادخل للمطعم بعد فترة

الانتخابات شبيهه بهذا الموقف يعني كل المرشحين نفس الوعود مالت كل دورة انتخابية وبس شعارات بدون اي تطبيق 

اتمنى ان الكة شخص اثق بيه حتى ما اسوي رجيم سياسي واروح اشطب الورقة واطلع 

انت تفرح وغيرك يبتلي

كولش حلو لما منتخبك الوطني يفوز بلعبة مهمة بس ليش لما تفرح طلع كل طاقاتك بطلقات نارية 

يا اخي افرح بس بالمعقول ، افتر بالسيارة وشيل العلم العراقي ميخالف كمز بالشارع هم ميخالف بس طلع رشاشة وتضل ترمي بالشارع هاي واكفة السالفة ليش هو احنة عايزين ارهاب 

واتوقع بالمستقبل وية تطور التكنلوجيا والمعلومات والتطور العلمي العراقي راح وية كل فوز يخلي هاون لو مدفع 56 لو مقاومة طائرات ويضل يرمي بيها ، لان مثل ما تعرفون لازم الواحد ميضل بالوسائل التقليدية لازم الواحد يطور 

زين خلصنة من سالفة الاطلاقات النارية 

نجي لمودة ثانية صايرة هاي الايام ، شباب يركبون ماطورات ويلبسون قناع vendetta  

هاي شنو المودة الثانية والمشكلة مو بس يلبسون قناع وخلص لا ينزلون ويصيحون على السيارات ، زين يا اخي افرح بس ليش تأذي العالم 

خاطر الله هو احنة عايزين رعب وعايزين خرعات 

ولكم بابة كعدوا راحة 

وكالعادة احب اكوللهم خالاتكم احسن

انتخبني بروح ابوك

الدكتور فلان الجديد على الساحة السياسية شيكول : يكول انا ضد الارهاب وضد داعش 

الشيخ الفلاني الجديد على الساحة السياسية مخلي صورته وية شخصية حكومية حاليه 

النائب الحالي بالبرلمان العراقي فلان الفلاني يكول جيشنا شرفنا 

الحكومي الفلاني ذو المنصب الكبير في الدولة يقول معاً ، بس معا وين ما ادري

العلوية الفلانية تكول عباراة عبالك داخلين بمحاظرة دينية مو انتخابات