انتخبني بروح ابوك

الدكتور فلان الجديد على الساحة السياسية شيكول : يكول انا ضد الارهاب وضد داعش 

الشيخ الفلاني الجديد على الساحة السياسية مخلي صورته وية شخصية حكومية حاليه 

النائب الحالي بالبرلمان العراقي فلان الفلاني يكول جيشنا شرفنا 

الحكومي الفلاني ذو المنصب الكبير في الدولة يقول معاً ، بس معا وين ما ادري

العلوية الفلانية تكول عباراة عبالك داخلين بمحاظرة دينية مو انتخابات 

والاستاذ فلان مسوي اعلانات عن روحه وكل اعلان كاتب فد مقوله متخيل روحه هو مهاتما غاندي

من خلال ما شفته واشوفة كل يوم من اعلانات لمرشحين وحتى قبل انطلاق الحملات الانتخابية بالمدن العراقية ، هاي الاعلانات غير شكل يعني المرشح يتلوك حتى كل مرشح صارت الة ميزة خاصة 

مثلا عندك مرشح لوكي من نوع عسكري 

او مرشح لوكي من نوع ديني 

مرشح لوكي من نوع مخربط 

حتى اكو مرشحين من الكتابات مالته بس عوزة يكول رشحت روحي على مودك ياحلو

واحلى شي اكو احد المرشحين منزل نشرة مفصلة عن حياته حتى شنو ياكل وشنو يشرب حتى يبين الزهد 

بس اريد اعرف لشوكت يبقون يجذبون على روحهم قبل لا يجذبون على الناس ؟ 

ترة السالفة ميحتاجلها اعلانات واقوال السالفة وما بيها صير زين وشريف حتى الناس تعرفك انت شنو قبل لا تسوي اعلانات عن روحك ومع كل هاي الاعلانات المقززة اشوفها كل يوم احب اكول شي للمرشحين 

خالاتكم احسن -_-