بين الصدك والجذب اربع اصابع

جان هواية يصير حديث حول مدينة النجف ، جنت اسولف وية اصدقائي من غير مدن من العراق وحتى خارج العراق اكوللهم النجف امان بيها النجف بيها اشياء حلوة ، جان اول رد احصله منو يكول ويها علامة تعجب مع عكف الحاجبين O.o والرد الثاني احصله انتم بس مقبرة عدكم ، لو بس دهينه ( تعريف الدهينة او الدهين : هي نوع من انوع الحلويات المشهورة في العراق وصناعتها في مدينة النجف ) لو يكلولي عدكم طرشي ( تعريف الطرشي : هو نوع من انواع المخللات واكثر انواع الطرشي المعروف بالنجف هو المدبس) لو جان يردون عليه وهاي اذا يريد يجامل يكول انتم عدكم بس مرقد الامام علي /ع . 

بس مرة من المرات الشبكة العراقية للاعلام المجتمعي انسم سووا زيارة للنجف تحت عبارة / المدونون يصنعون محتوى مدنهم بنفسهم / وبالفعل تمت الزيارة وجانت حسب الفعاليات :
اولا : زيارة بيت الامام علي عليه السلام 

ثانيا : زيارة مسجد الكوفة ومسلم بن عقيل 

ثالثا : تجول في شوارع النجف والكوفة وحتى ساعات متأخرة من الليل

رابعا : زيارة مرقد الامام علي عليه السلام والتعرف على ماذا توصل اليه من توسيع المكان

خامسا : زيارة مشفى المخطوطات القديمة في العتبة العلوية 

سادسا : الذهاب الى مكتبة العتبة التي تحتوي على اكثر من 110 الف عنوان كتاب 

سابعا : العشاء والجلوس مع محافظ النجف بعد منتصف الليل وفي مكان شعبي 

ثامنا : نقل بعض العروض من بغداد الى النجف من خلال افلام سينمائية قصيرة لمخرجين شباب وهم ( الباقر جعفر ، وارث كويش ، ليث دعير ، احمد الزيادي ) 

طبعا اكيد بالزيارة الشباب جربوا الهريسة والآش ( تعريف الكلمتين : اكلات شعبية في النجف ) 

والحلو بالموضوع كل الشباب بعد رجوعهم الى مدنهم بسلام كتبوا اشياء جميلة عن النجف وعن ما شافوه 

 شرح عن توسيع العتبة العلوية 

 مسجد ومرقد الشيخ الطوسي احد الاماكن القديمة والاثرية

 سيلفي بعيون وارث كويش 

 مجسم للعتبة العلوية والمناطق المحيطة به 

 مكتبة العتبة العلوية 

 مشهد اخر لمجسم توسيع العتبة العلوية المقدسة

 صورة جماعية تجمع اعضاء شبكة انسم 

 أكلة الآش 

 عند فطورهم بالهريسة والآش 

صورة جماعية لاعضاء شبكة انسم قبل مغادرتهم من النجف